An du Peltaeful
Tis maendagmiddug sit somar meimurund naer buuten tu staerun naer du regun......en dan iniens zik in du klassu bie juffrouw Raukema. Meestur van Beek heit zunafscheit dur opzittu mar weunt nog steeds neffen Merien van Zegur, waerk mit pa du aeppuls altiet haelu en geliek bie du koeijun kieke samun mit oens kleinu Cootje. Meestur Koole (JAM) gebruukt niet meer zun handun maer laopt mit du bellu ovur ut schoolplein mit zun betonnupaelen en groenu buisun. Tis undertussun 15.15 en wu maggu weer naer huus. Zie Waltur Kruuk en Cor van ome Ies opt plein loapu en die vraegu gae ju even mee naer Leesie... Waltur weet dat ik van die witgepoeijurde caramel ballun houw dus loap efun mee naer Lesie ju weet mar noeit.
Loapu thuus voor bie du raem ensie dat oma van Seters en ma zoals geweunluk an de peltaeful zittu en bie binnunkomst vraegt oma mit een lach opdur gezigt You bint tog nie bie Leesie guweest....heeljesmoelzitundurdupoeijur.......
Nae un glas liemunadu schuuf ik an an du peltaeful mar du damus binne al un aendu klaer tog komt ur netuurluk nog un mooi verhael ovur Stellundam van vroegur, dit keer ovur een kasjusvent die altied mit twien, elustiek en under anderu kaertun, dietun stak tussen zun ellupuupu en zun spaekbeen, vurbie Stellundam kwam eens in du zuuvul tiet. Mien moedur vint dat niks zoas oak die vent die altiet ovur de Molenkaiju kwam als ut baggurschip weer in du achturhaevenu lag...want die was altiet stikbesoopu......
Wat hoor ik noe weer? Oh Jan Pap mit zun melkkarru, wissult de leguflessun die ma neergezet had in voor vollu. Netuurluk melk in glaezu flessun mit een blauw blikkie, gezeuse van 3ES, geen pap want wiellu binnen van netuuru al dikkug mar netuurluk nog wel evun een praetje over oens durp.
Tis undertussun kwart ovur vieru en du gornit is op, taful, pelschuttuls, allus mot schoon en netuurluk half vuufu du aeppuls op want pa is om fuufuuru tuus van de weuningbouw en dan nae un glaesje mot ur netuurluk optiet gugeetu worre. Aerpuls mit groentu uut ut hof en un stikvleis vant vaeruku van Cor du slagtur. Die sins un paerjaer hier uut du Voorstraetu naer ut nieuwu (1966) Oranjeplein is verhuust.
Mun bort is netuurluk so weer leeg Opa van Seters is dur zoals geweunluk nie want die zit op Zee, mar oma eet lekkur een hapje mee.....naet etun is ut tiet voor de Fabeltjeskrant en dan gaek mar naer bed want Haemulun begint zo en dakvinkdoodeng. Klees nog mar un stikkie in du Tina en val in mun Oranjuslaepkaemur mit mun paersuspreiju in................
Peet....je zit achtur je compuutur en niet an de peltaeful of zo....wort tiet dat ju ju eigu aepuls gaet schellu meissie...ju bint minimael 40 jaerverdur in de tiet.........
Kommik in du keuken ziek nu een ROOD lampie hier in Elve?????????
Loapu thuus voor bie du raem ensie dat oma van Seters en ma zoals geweunluk an de peltaeful zittu en bie binnunkomst vraegt oma mit een lach opdur gezigt You bint tog nie bie Leesie guweest....heeljesmoelzitundurdupoeijur.......
Nae un glas liemunadu schuuf ik an an du peltaeful mar du damus binne al un aendu klaer tog komt ur netuurluk nog un mooi verhael ovur Stellundam van vroegur, dit keer ovur een kasjusvent die altied mit twien, elustiek en under anderu kaertun, dietun stak tussen zun ellupuupu en zun spaekbeen, vurbie Stellundam kwam eens in du zuuvul tiet. Mien moedur vint dat niks zoas oak die vent die altiet ovur de Molenkaiju kwam als ut baggurschip weer in du achturhaevenu lag...want die was altiet stikbesoopu......
Wat hoor ik noe weer? Oh Jan Pap mit zun melkkarru, wissult de leguflessun die ma neergezet had in voor vollu. Netuurluk melk in glaezu flessun mit een blauw blikkie, gezeuse van 3ES, geen pap want wiellu binnen van netuuru al dikkug mar netuurluk nog wel evun een praetje over oens durp.
Tis undertussun kwart ovur vieru en du gornit is op, taful, pelschuttuls, allus mot schoon en netuurluk half vuufu du aeppuls op want pa is om fuufuuru tuus van de weuningbouw en dan nae un glaesje mot ur netuurluk optiet gugeetu worre. Aerpuls mit groentu uut ut hof en un stikvleis vant vaeruku van Cor du slagtur. Die sins un paerjaer hier uut du Voorstraetu naer ut nieuwu (1966) Oranjeplein is verhuust.
Mun bort is netuurluk so weer leeg Opa van Seters is dur zoals geweunluk nie want die zit op Zee, mar oma eet lekkur een hapje mee.....naet etun is ut tiet voor de Fabeltjeskrant en dan gaek mar naer bed want Haemulun begint zo en dakvinkdoodeng. Klees nog mar un stikkie in du Tina en val in mun Oranjuslaepkaemur mit mun paersuspreiju in................
Peet....je zit achtur je compuutur en niet an de peltaeful of zo....wort tiet dat ju ju eigu aepuls gaet schellu meissie...ju bint minimael 40 jaerverdur in de tiet.........
Kommik in du keuken ziek nu een ROOD lampie hier in Elve?????????
.jpg)
Reacties
Een reactie posten